ශශී

මැච් යන අස්සෙ මතක් උනේ බං අපි කාලෙකට කලින් ගත්තු ආතල් එකක්... ඔන්න එව්වනෙ ආතල්. ඒ මීට අවුරුදු 2,3 කලින් කියපල්ලකො... ෆයිනල් මැච් එකක් . තිබ්බෙ එංගලන්තෙ... හෙන ගේමක් දීල ෆයිනල් ආවෙ අපියි ඉන්දියාවයි.... මං හිතන්නෙ ලොකු කප් එකක් ටීම් 7, 8 ක් ගහපු. ඉතාලියෙ ඉන්න අපේ යාළුවො සෙට් එකක් ගියා එංගලන්තෙට ෆයිනල් එක බලන්න... මාර සෙනඟ.. ඉන්දියන් කාරයො වැහි වැහැලා.....අපේ උනුත් හොඳට හිටියා.. ඔන්න දැන් මැච් එක යනවා. අපේ උන් තමා මුලින්ම ගැහුවෙ.... මැච් එක එහෙටත් නෑ මෙහෙටත් නෑ.... ඒ අතරෙ මචං නිකන් කොටි වගේ සෙට් එකකුත් හිටියා හැබැයි කොඩි නම් එළියට ගත්තෙ නෑ.. මොකද තාම මැච් එක දිනන්නෙ කවුද කියලා නිනව්වක් නෑනෙ. අපිත් ඇහැ ගහගෙන හිටියෙ. දැන් අන්තිම ඕවර් ටික යන්නෙ ... මාර උණුසුම් ගේම. පපුවෙ අමාරු කාරයෙක් හිටියා නම් එතනම තොළොංචි වෙනවා. කොහොම කොහොම හරි බං අන්තිම ඕවරේට ලකුණු 8 ක් උන්ට ඕනෙ උනා. එක විකට් එකයි තිබ්බෙ.... දැන් දෙන්න කොට කොට ඉන්නවා.... මචන් දැන් අන්තිම බෝල් තුන. තුනට හතරයි ..... දැම්ම ඊළඟ බෝලෙ.... අරූ ඉස්සරහට පැනල ඇරල දැම්මා බං උඩින්ම අපි හිතුවෙම 6ක් කියලා .....අපේ එකෙක් 6 සීමාව ඔන්න මෙන්න තියෙද්දි ඇල්ලුවා බං කැච් එක.
අපි හූ තියලා නටලා පිස්සු කෙළලා...මාර පන් එකක් ගත්ත ඩෝ. කොටින්ම කෝලියා අවුට් වෙච්චි වෙලේ තියපු හූ කන්දරාව ඇහුනනම් ඒකා පොළොවෙ පස් කනවා. කොඩි ටිකත් කරේ දාගෙන අපි ගියා එක්සිට් ඩෝර් එක ගාවට. මොකද කොහෙන් ගියත් ගල්කන්ද හන්දියෙන් යන්න එපෑ වගේ ඕන එකෙක් යන්න ඕනෙ මේ දොරෙන්නෙ. අපි රැකගෙන හිටියා කොටි ටික එනකන්.. උන් මැච් එක වෙලාවෙත් අපිට රව රව හිටියෙ. එකා දෙන්න එද්දි අපිත් ඈතට ගිහින් (අපෙත් හිටියා සෙට් එකේ බර ගානක් ) බලගෙන හිටිය නැකත එනකන්... බියර් එහෙම ටිකක් වැඩියෙන් බීල සූර් වෙලා තිබ්බ ප්‍රදියා සිකරට් බොන්න ගෙනාපු ලයිටරෙත් අතට අරගෙන උන් දිහාට දිව්වෙ අළුගුත්තේරු හු*** පු*** තොපිට හොඳ පාඩමක් උගන්නන්නම් කියාගෙනම.. දුවලා ගිහින් එකෙක්ගෙ අතින් කොඩි හතරක් පහක් ඇදලා අරගෙන මූ එක සීරුවටම කොඩි ඔක්කොටම ගිනි තිබ්බෙ නැතැයි...
එට පස්සෙ බං කොළ පාට ලේසර් ජැකට් දා ගත්තු එංගලන්ත පොළිස්කරයො ඇවිත් වළිය එහෙම බේරලා දෙගොල්ලන්ව දෙපැත්තට යැව්වා... අපි කොහොම ගැහිල්ලක් උන්ට ගැහුවද කියනවනම් උන් ව අහකට එක්කගෙන ගියේ පොලිස් ආරක්ශවෙන් අපෙ හූ හඬ මැද්දෙ.
හෙන ආතල් බං. අපි ගියා ඊට පස්සෙ වාහන පාර්ක් එක ගාවට. BMW, AUDI, RANGE-ROWER, BENZ වල ආපු පට්ට සල්ලිකාර ඉන්දියන් කාරයො යනවා අපිව දැකලා මුණු සත පහ කරගෙන. උන්ගෙ නිළියො වගේ වයිෆ්ලා, දුවලා නිකන් යනවා ක්‍රිකට් කියන්නෙ මොනාද කියල නොදන්නවා වගේ. අපි එකම හූවයි බං. අපි උන්ට කරදර කළේ නෑ අපේ ආතල් එක අපි ගත්තා.... උන් වාහන වල නැඟලා අපිව පාස් කරන් යද්දි පොඩි හූවක් විතරක් තිබ්බා.
ඉතාලියෙන් ගෙනිච්ච වයින් සමහරු බීල.. සමහරු බීල තියෙන්නෙ අදමයි.... උන් පාර්ක් එකේ ගස් වලට හැංඟිල කබරයා දානවා.. සමහරු ගස් වලට මුවා වෙලා ගංජා ගහනවා.... මෙච්චර වෙලා පපර බෑන්ඩ් එකට සික්ස් එයිට් කියපු සිංදු ටික, ගංජා ගහපු උන් ආවට පස්සෙ විරහ ගීත උනා.. 


ළා සඳ පළුව ඇවිත්
විල් ගිර මුඳුනින් 
රන්තරු මාල බැඳන් 
රන්වන් අහසින් 
අද හොඳම දවස 
අද හොඳම දවස 
ඔබ එනවා නම්..........

 ඊට පස්සෙ බං 

මන්දාරම් අඳුර මැඳින්
හිරිපොද වැහි වැටෙන වෙලේ
මා හා ඇවිදන් යන්නට 
ඔබ හිටියා නම් 
ඔබ හිටියා නම් 

තව මං මුලාවී, සඳ හොරෙන් හොරෙන් හොරෙන් බලා, දිනෙක හිරු බැසයන වෙලාවක, රෑ දුරු රට මේ, ඈත දුරක දෑස පාවෙලා, රන් තාරකාවන් දිලෙන රැයේ, එතකොට ක්ලැරන්ස්ලගෙ, කපුගේලගෙ, මිලටන් ලගෙ පට්ටම සිංදු ටිකක් ගැහුවා බං.


මචං ඒ අමුතු හීතලක් තිබ්බ ඒ රෑ කොල්ලො සෙට් පිටින් එකතු වෙලා පාර්ක් එකේ මැච් එක දිනපු කික් එකත් එක්ක විරහ ගීතයක් කියද්දි පට්ටම ආතල් බං. මෙහෙම කිව්වට වැඩක් නෑ. ඒක විඳලම බලන්න ඕනෙ.

ඔන්න කරුමෙට බං ඔතනින් යන්න ආව කොටි වගේ ටී ශර්ට් ඇඳ ගත්තු සෙට් එකක්. මැච් එක දින්නහම බං කික් එකනෙ කොහොමත්. ඊටත් වඩා මේ ලේසි මැච් එකක්යැ. අන්තිම ෆයිනල් එකක්නෙ.. අනිත් එක ගැහුවෙ ඉන්දියාවටනෙ. ඉතින් කික් එක ට්‍රිපල්. උන්ට වැඩේ දෙමු කියලා කට්ටිය කථා උනා. උන්ගෙත් හීට්යා හෙන සෙට් එකක්... අපේ උනුත් ඉන්නවා දැන් එකම වළියයි. ගුටි කෑවත් රිදෙන්නෙ නෑනෙ බං ඒ වෙලාවට මැච් එකේ කික් එකෙ හින්දා..... මචන් එක පාරටම පොළිසියෙන් ඇවිත් බැටං පොළු අරගෙන "ලාවුස් මාම කෙවිටෙන් හරක්ට තළනවා වගේ" අපිට තලාගෙන තලාගෙන ගියා.. රෑ හින්දා හොයන්නත් බෑ.
මට මචං යාන්තමට මතකයි මගෙ ඔළුවට හෙන බරට මොකක්ද වැදුනා වැදුනා වගේ....සිහිය ඇවිත් බලන කොට මම හිටියෙ කළුවර කාමරේක.. ඔළුව හෙන බරයි. ඇස් කරකද්දි නලලෙ ඉඳන් රිදෙනවා. හෙන කළුවර හින්දා විනාඩි 20 ක් විතර කළුවරට ඇහැ හුරු වෙනකන් හිටියා.. මට එහා පැත්තෙ තව එකෙක් හතර ගාතෙ දාල වැටිලා ඉන්නවා ඇඳක් උඩ. මාත් හිටියෙ ඇඳක් වගේ එකක් උඩ. මම උඩට ඇ
න් හිටපු ශ්‍රී ලංකා කියල ගහපු බැනියම නෑ. කොට කළිසමක් විතරයි තියෙන්නෙ. මට එහා පැත්තෙ ඇඳේ ඉන්න එකාගෙත් එහෙමයි කොට කළිසම විතරයි.... හැබැයි ඌ ගොරෝ ගොරෝ බුදි වගේ.
මට මචං මෙහෙම කරද්දි සිද්ධිය මීටර් උනා. එංගලන්ත පොලිස් කාරයො අපිට ගහලා සිහි නැති වෙනකන්.. අපිව අරගෙන ඇවිත් හිරේට දාලා. අපි ඇඳන් උන්නු ඇඳුම් ගලවලා අපිට හිරේට අඳින පිජාමා කොට කලිසම් අන්දලා...ඔහොම ටික වෙලාවක් හිටියා.... වතුරත් තිබහයි...... ආයෙත් නිකන් මට ලාවට වගේ නින්දෙන් සද්දයක් ඇහුන ඒලාම් එකක් ගහනවා වගේ....මාව ඇහැරුණා ඒ සද්දෙට... දැන්නම් ටිකක් එළියයි. එහා පැත්තෙ එකත් නැඟිට්ටා... අම්මේ මාර සංතෝසයක් බන් එවෙලෙ මට ආවෙ... ඌ ඉතාලියෙ මාත් එක්ක එකම කාමරේ ඉන්න එකා... ඉතින් සන්තෝස නැද්ද.. හිරේ ගියත් එකටනෙ බන්.
අරූ දැන් නැඟිටලා බුරුසු, අරන් තුවා අරන් මූණ හෝදන්න යන්න ලැහැස්ති වෙනවා.... මම නින්දෙන්ම ඇහුවා 

මචන් පොළෝසියෙන් බුරුසු, තුවා එහෙම දුන්නද කියලා. අරූ ඇහුවා
මොන පොළිසියෙන්ද?
ඇයි බං එංගලන්තෙ පොලිසියෙන්
මොන එංගලන්තෙද බන්?
ඇයි බන් අපි මේ කොහෙද ඉන්නෙ?
මේ ඉන්නෙ අපි වෙනදා හිටපු කාමරේ
එතකොට ඇපි ඊයෙ මැච් එක බලන්න එංගලන්තෙ ගියේ.. අපි දින්නෙ බං...අපි කොටි කොඩි වලට ගින්දර තිබ්බෙ.... අපි සිංදු කිව්වෙ .. පොලීසියෙන් අපිට ගැහුවෙ?
හු*** කතා කරන්න එපා මැච් එක ගැන ඊයෙත් අපි පරාදයි..කැ* දෝණියා අන්තිම ඕවරේට ලකුණු පහළොවක් ගහන්න තිබිලා ගැහුවනෙ ......උඹට එකපාරටම නිදිමතයි කියලා නින්ද ගියානෙ.
හුටා එතකොට මම දැක්කෙ හීනයක්ද?


ඒත් බං ඉහේ කෙස් ගානට හීන පෙනිලා තියෙනවා . මේ වගේ කික් එකක් තියෙන හීනයක් අම්මා මුත්තා කාලෙක දැක්කෙ නෑ.. ඒ වගේ හීන පේන්නත් පිං කරන ඕනෙ බොලව්. ඔක්කොවන්ටම වැඩියෙන්ම වටින්නෙ බං ෆයිනල් එකක් දිනන ආතල් එක හීනෙන් හරි ගත්තු එකනෙ.

2 Responses
  1. මචෝ උඹේ මේ ලිපියත් එක්ක මං නතරවුණේ පාසලේ. හද්ද ගොඩේ මං කොළඹට ඇවිත් බිග් මැච් එකක් කිවුවම එදා කරකෝල අතැරියා වගේ තමා.


  2. Anonymous Says:

    විහිළුවක් වුව ද මෙය
    ෆයිනල් මැච් එකක් දිනන තුරු බලා සිටිනා රසිකයකුගේ අඳෝනාව මෙය යැයි සිතේ.


Post a Comment